Angliyaning London shahrida 19-mart tunida UFC Fight Night 204 oqshomi bo‘lib o‘tdi.
Musobaqaning asosiy jangi og‘ir vazn toifasi vakillari Aleksandr Volkov va Tom Aspinell o‘rtasida kechdi. Bellashuvning birinchi raundidayoq Aspinell raqibini og‘ritish usuli bilan taslim etdi.
Yana bir asosiy jang Den Huker va Arnold Allen ishtirokida bo‘lib o‘tdi. Kutilmaganda Huker dastlabki raunddayoq nokautga uchradi.
E’tiborlisi, 12 ta jangdan to‘qqiztasi muddatidan avval yakunlandi, yettita jang esa birinchi raunddayoq o‘z yakuniga yetdi.
Janglar videosini bu yerda tomosha qilish mumkin — havola.
- Tom Aspinell 1-raundda og‘ritish usuli bilan Aleksandr Volkovni taslim etdi;
- Arnold Allen 1-raundda Den Hukerni nokautga uchratdi;
- Pedi Pimblett 1-raunddagi sabmishen orqali Rodrigo Vargasga ustun keldi;
- Gunnar Nelson hakamlar qaroriga ko‘ra Takashi Satoni yutdi;
- Molli Makken 3-raundda Luana Karolinani nokautga uchratdi;
- Iliya Topuriya 2-raunddagi nokaut evaziga Jay Herbertni yengdi.
- Makvan Amirxoni 1-raundda sabmishen orqali Mayk Grandini yutdi;
- Sergey Pavlovich 1-raunddagi texnik nokaut evaziga Shamil Abdurahimovdan ustun keldi;
- Pol Kreyg 1-raundda og‘ritish usuli bilan Nikita Krilovni yengdi;
- Jek Shor hakamlar qaroriga ko‘ra Timur Valiyev ustidan g‘alaba qozondi;
- Eliza Rid hakamlar qaroriga ko‘ra Kori Makkennani yutdi;
- Muhammad Mokayev 1-raunddagi sabmishen orqali Kodi Dyordendan ustun keldi.
Izoh (0)