16 март куни Япония шимоли-шарқида содир бўлган кучли зилзила оқибатида икки киши ҳалок бўлди ва яна 92 киши жабрланди. Бу ҳақда Kyodo агентлигига таяниб, «Интерфакс» хабар берди.
Япония табиий офатлар ва ёнғинга қарши курашиш агентлиги маълумотларига кўра, 17 март куни эрталаб еттита префектурада, жумладан, ер ости силкинишлари магнитудаси 7,4 баллга етган Мияги ва Фукусимада 92 киши жароҳат олгани тўғрисида маълумотлар тўпланган.
Аомори префектурасида зилзила натижасида тезюрар поезд рельсдан чиқиб кетган. Ҳозирча ҳаракатни тўлиқ тиклашнинг имкони бўлмаган. Бундан ташқари, зилзила 2 миллиондан ортиқ хонадонни электр энергиясисиз қолдирган.
Фукусима ва Мияги соҳилларида истиқомат қилувчи юзлаб одамлар цунами хавфи сабаб эвакуация қилинган.
Япония шимоли-шарқида зилзила 16 март куни Тошкент вақти билан 19:36 да содир бўлди. Ер ости силкинишларининг эпицентри Фукусима префектураси қирғоғидан тахминан 60 километр чуқурликда. Зилзила Епониянинг шарқий қисмида сезилган.
Шунингдек, 3 балли ер ости силкинишлари Жанубий Курилда жойлашган Шикотан оролидаги қишлоқда ҳам қайд этилган.
Изоҳ (0)