Yaponiyaning ikkita provinsiyasi Miyagi va Fukusimada Tinch okeanidagi Xonsyu oroli sohillariga yaqin hududda 7,3 magnitudali zilzila yuz berganidan keyin sunami xavfi e’lon qilindi. Bu haqda Yaponiyaning bosh meteorologik boshqarmasi ma’lumotlariga tayanib, NHK xabar qilgan.
Boshqarma axborotiga ko‘ra, zilzila o‘chog‘i Fukusima prefekturasidan uncha uzoq bo‘lmagan suv ostida, 60 kilometr chuqurlikda joylashgan.
Meteorologiya boshqarmasi ikki prefekturadagi suv to‘lqinlarining balandligi 1 metr atrofida bo‘lishini taxmin qilgan.
2011-yilda Fukusimada yuz bergan kuchli yer silkinishi oqibatida “Fukusima-1” atom elektr stansiyasida avariya sodir bo‘lgandi. Nosozlik va hududga radiatsiya tarqalish xavfi sabab 150 ming aholi boshqa joyga evakuatsiya qilingan. 2013-yilda AES yopilgan.
Izoh (0)