Япониянинг иккита провинцияси Мияги ва Фукусимада Тинч океанидаги Хонсю ороли соҳилларига яқин ҳудудда 7,3 магнитудали зилзила юз берганидан кейин цунами хавфи эълон қилинди. Бу ҳақда Япониянинг бош метеорологик бошқармаси маълумотларига таяниб, NHK хабар қилган.
Бошқарма ахборотига кўра, зилзила ўчоғи Фукусима префектурасидан унча узоқ бўлмаган сув остида, 60 километр чуқурликда жойлашган.
Метеорология бошқармаси икки префектурадаги сув тўлқинларининг баландлиги 1 метр атрофида бўлишини тахмин қилган.
2011 йилда Фукусимада юз берган кучли ер силкиниши оқибатида «Фукусима-1» атом электр станциясида авария содир бўлганди. Носозлик ва ҳудудга радиация тарқалиш хавфи сабаб 150 минг аҳоли бошқа жойга эвакуация қилинган. 2013 йилда АЭС ёпилган.
Изоҳ (0)