Namangan viloyati Chortoq tumanida Janubiy Koreyaga ishga jo‘natish uchun fuqarolardan pul olgan shaxs ushlandi. Bu haqda Tergov departamenti xabar qildi.
Qayd etilishicha, 6-mart kuni tumanning Yaxshi niyat ko‘chasida yashovchi M.A. (45 yoshli) tuman ichki ishlar bo‘limi boshlig‘i nomiga ariza bilan murojaat qilgan. U arizada fevral oyida O.J. (46 yoshli) u va yana 20 dan ortiq fuqaroning ishonchiga kirib, ularni Rossiya orqali Janubiy Koreyaga ishga yuborishini aytib, jami 6 ming 200 dollar pullarini aldov yo‘li bilan olganini ma’lum qilgan. O.J. bergan va’dasini bajarmasdan, turli bahonalar qilib, olgan pullarni o‘z ehtiyoji yo‘lida sarflab yuborgan. M.A. unga nisbatan tegishli chora ko‘rishni so‘ragan.
Holat yuzasidan fuqaro O.J.ga nisbatan Jinoyat kodeksining 168-moddasi 3-qismi “b” bandi (takroran yoki xavfli retsidivist tomonidan firibgarlik) bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga doir:
- Jizzaxda fuqaroni 20 ming dollar evaziga Meksika orqali AQShga yubormoqchi bo‘lgan shaxs ushlandi
- Chiroqchida fuqarolarni Janubiy Koreyaga jo‘natishni va’da qilib, ulardan 1750 dollar olgan shaxsga jinoiy ish ochildi
- Janubiy Koreyaga ishlash uchun yuborishini va’da qilib, o‘zbekistonlikni 57 ming dollarga chuv tushirgan koreyalik qo‘lga olindi
Izoh (0)