Toshkent shahri Mirobod tumanida 16-mart kuni Cobalt avtomashinasi kanalga tushib ketdi. Bu haqda Yo‘l harakati xavfsizligi xizmati xabar qildi.
Qayd etilishicha, shu kuni soat 14:00 larda tumanning Amir Temur ko‘chasida haydovchi A.A. (2001-yilda tug‘ilgan) Cobalt avtomobilini avtoturargohga to‘xtatgan. Haydovchining o‘zi bankka kirib ketgan. Shu payt Cobalt avtomobili pastlikka harakatlanib, Salor kanaliga tushib ketgan.
Hodisa oqibatida tan jarohati olgan fuqarolar yo‘q. Ayni vaqtlarda avtomobil suvdan olib chiqilgan. YPX xodimlari tomonidan surishtiruv ishlari olib borilmoqda.
“Barcha haydovchilardan ehtiyotkor bo‘lishlarini so‘rab, to‘xtash va to‘xtab turish joylarida qo‘l tormozidan foydalanishlarini tavsiya qilamiz”, — deyiladi YHXX xabarida.
Izoh (0)