Kilian Mbappe tez orada “Real” bilan shartnoma imzolaydi.
Marca nashrining xabariga ko‘ra, “PSJ” hujumchisi kelasi hafta o‘rtalarida “Real” bilan shartnoma imzolaydi. So‘nggi kunlarda muzokaralar shiddat bilan davom etgan va juma kunigacha barcha tafsilotlar kelishib olinishini kutilmoqda.
Mbappening “Real”ga o‘tgani esa mavsum so‘ngida rasman e’lon qilinadi.
Hujumchi “Real” bilan shartnoma imzolagani uchun 60—80 million yevro bonus oladi. Uning maoshi esa shartnomaga ko‘ra 25 million yevroni tashkil etadi.
Eslatib o‘tamiz, Mbappening parijliklar bilan shartnomasi 2022-yilning yozida o‘z nihoyasiga yetadi. U madridliklar safiga erkin agent sifatida o‘tadi.
Avvalroq “PSJ” Kilian Mbappega futbol tarixidagi eng katta shartnoma taklif qilgani xabar qilingandi. Shuningdek, Fransiyaning amaldagi va sobiq prezidentlari Kilian Mbappega “PSJ”da qolishni maslahat bergandi.
23 yoshli futbolchi 2021/22-yilgi mavsum “PSJ” safida barcha musobaqalarda 35 ta o‘yinda maydonga tushib, 25 ta gol va 14 ta golli uzatmaga mualliflik qildi.
Izoh (0)