Luis Suares mavsum yakunlangach “Atletiko Madrid”ni tark etishi mumkin. Bu haqda jurnalist Nikolo Skira ma’lum qildi.
Yozda 35 yoshli futbolchining Madrid klubi bilan shartnomasi yakuniga yetadi va hujumchi erkin agentga aylanadi.
Qayd etilishicha, Suaresga “Aston Villa” qiziqish bildirmoqda. Hozirda jamoada faoliyat olib borayotgan Fillippe Koutinyo va bosh murabbiy Stiven Jerrard o‘z vaqtida urugvaylik hujumchi bilan “Liverpul”da birga to‘p surgani transferda muhim ahamiyat kasb etishi mumkin.
Ingliz klubidan tashqari urugvaylikka “Ayaks”, Braziliya va MLS jamoalaridan takliflar bor. Avvalroq hujumchiga “Inter” va “Sevilya” qiziqish bildirayotgani xabar qilingandi.
Ma’lumot uchun, Suares 2020-yilda erkin agent sifatida “Barselona”dan “Atletiko M”ga o‘tgandi. U La Liganing 2021/22-yilgi mavsumida 26 ta o‘yinda maydonga tushib, 9 ta gol va 2 ta golli uzatmaga mualliflik qildi.
Izoh (0)