“PSJ” va “Chelsi” klublari “Manchester Siti” yarim himoyachisi Riyod Mahrezni o‘z safiga qo‘shib olmoqchi.
Foot Mercato’ning xabar qilishicha, parijliklar jazoirlik futbolchini 34 yoshli vinger Anxel di Mariyaga o‘rinbosar sifatida ko‘rmoqda. Fransuzlar avval ham Mahrezni sotib olishga uringandi, yozda bu ishni qaytadan takrorlab ko‘rmoqchi. 2023-yilda “shaharliklar” bilan shartnomasi yakuniga yetadigan Riyodning ehtimoliy transfer narxi 30–40 million yevroga baholanmoqda.
Futbolchiga “Chelsi” tomonidan ham qiziqish mavjud.
Mahrez 2021/22-yilgi mavsumda APLda 21 ta o‘yinda maydonga tushib, 10 ta golga mualliflik qildi.
31 yoshli futbolchi 2018-yil “Lester” safidan “Manchester Siti”ga o‘tgan edi. “Shaharliklar” Mahrez uchun 60 million funt to‘lagan. Riyod faoliyati davomida “Kemper”, “Gavr” kabi klublar sharafini himoya qilgan.
Izoh (0)