«ПСЖ» ва «Челси» клублари «Манчестер Сити» ярим ҳимоячиси Риёд Маҳрезни ўз сафига қўшиб олмоқчи.
Foot Mercato’нинг хабар қилишича, парижликлар жазоирлик футболчини 34 ёшли вингер Анхель ди Марияга ўринбосар сифатида кўрмоқда. Французлар аввал ҳам Маҳрезни сотиб олишга уринганди, ёзда бу ишни қайтадан такрорлаб кўрмоқчи. 2023 йилда «шаҳарликлар» билан шартномаси якунига етадиган Риёднинг эҳтимолий трансфер нархи 30–40 миллион еврога баҳоланмоқда.
Футболчига «Челси» томонидан ҳам қизиқиш мавжуд.
Маҳрез 2021/22 йилги мавсумда АПЛда 21 та ўйинда майдонга тушиб, 10 та голга муаллифлик қилди.
31 ёшли футболчи 2018 йил «Лестер» сафидан «Манчестер Сити»га ўтган эди. «Шаҳарликлар» Маҳрез учун 60 миллион фунт тўлаган. Риёд фаолияти давомида «Кемпер», «Гавр» каби клублар шарафини ҳимоя қилган.
Изоҳ (0)