“Tottenhem” hujumchisi Harri Keynning Angliya Premyer Ligasi 28-turi doirasida “Everton”ga qarshi kechgan o‘yinda (5:0) dubl qayd etdi.
Bu angliyalik futbolchi uchun APL doirasidagi 175 va 176-gollar bo‘ldi. Shu tariqa 28 yoshli futbolchi musobaqadagi gollar soni bo‘yicha “Arsenal” sobiq hujumchisi Tyerri Anrini (175 ta gol) ortda qoldirdi.
Angliya Premyer Ligasida faqatgina besh futbolchi Keyndan ko‘proq gol urgan: Frenk Lempard (177), Serxio Aguero (184), Endi Koul (187), Ueyn Runi (208) va Alan Shirer (260).
APL doirasidagi keyingi o‘yinni “shporlar” 12-mart kuni “Manchester Yunayted”ga qarshi o‘tkazadi.
Izoh (0)