Maktabgacha ta’lim vazirligi vakillari 3-mart kuni Mendeleyev nomidagi Rossiya davlat kimyo-texnologiyalar universitetining prorektori I.Yeryomin boshchiligidagi delegatsiya a’zolari bilan uchrashdi. Bu haqda vazirlik axborot xizmati xabar qildi.
Qayd etilishicha, muloqot chog‘ida ta’lim sohasida amalga oshirilayotgan ishlar yuzasidan ma’lumot almashilgan. Ikki tomonlama hamkorlikning istiqbolli yo‘nalishlari muhokama qilingan.
Uchrashuv yakunida o‘zaro anglashuv memorandumi va O‘zbekistonda 6 yoshli bolalar uchun tabiiy fanlarga ixtisoslashtirilgan bolalar texnoparkini tashkil etish bo‘yicha “yo‘l xaritasi” imzolangan.
Bolalar texnoparki bolalarning erta yoshdan tabiiy fanlar, shuningdek, fizika, kimyo, biologiya va ekologiya sohalari bo‘yicha boshlang‘ich bilimlarni egallash imkoniyatiga ega bo‘lgan ta’lim loyihasiga aylanishi ko‘zda tutilgan. Loyiha mehnat bozorida talab yuqori bo‘lgan kasblar bo‘yicha kadrlar tayyorlashga xizmat qiladi.
Izoh (0)