Мактабгача таълим вазирлиги вакиллари 3 март куни Менделеев номидаги Россия давлат кимё-технологиялар университетининг проректори И.Ерёмин бошчилигидаги делегация аъзолари билан учрашди. Бу ҳақда вазирлик ахборот хизмати хабар қилди.
Қайд этилишича, мулоқот чоғида таълим соҳасида амалга оширилаётган ишлар юзасидан маълумот алмашилган. Икки томонлама ҳамкорликнинг истиқболли йўналишлари муҳокама қилинган.
Учрашув якунида ўзаро англашув меморандуми ва Ўзбекистонда 6 ёшли болалар учун табиий фанларга ихтисослаштирилган болалар технопаркини ташкил этиш бўйича «йўл харитаси» имзоланган.
Болалар технопарки болаларнинг эрта ёшдан табиий фанлар, шунингдек, физика, кимё, биология ва экология соҳалари бўйича бошланғич билимларни эгаллаш имкониятига эга бўлган таълим лойиҳасига айланиши кўзда тутилган. Лойиҳа меҳнат бозорида талаб юқори бўлган касблар бўйича кадрлар тайёрлашга хизмат қилади.
Изоҳ (0)