Shavkat Mirziyoyev raisligida 1-mart kuni Xotin-qizlarni qo‘llab-quvvatlash tizimi hamda ularning jamiyatdagi mavqeyini yanada mustahkamlash masalalari bo‘yicha videoselektor yig‘ilishi o‘tkazildi. Unda prezident Oila va xotin-qizlar davlat qo‘mitasiga nega aynan To‘raqo‘rg‘on tuman hokimi bo‘lib ishlagan Zulayho Mahkamova rahbar etib tayinlanganiga izoh berdi.
“Men ko‘pdan beri niyat qilib yurardim, shu lavozimga qishloqdan kelsa, yerni bilsa, haqiqatni bilsa, hozirgi islohotlarimizni qadriga yetsa va ayollarni orqasidan ergashtiradigan rahbar kerak edi”, — deydi Shavkat Mirziyoyev.
Bundan tashqari, davlat rahbari qayta tashkil etilgan Mahalla va nuroniylarni qo‘llab-quvvatlash vazirligiga Tursunxon Xudobergenov rahbar etib tayinlangani haqida shunday dedi: “Xudobergenov hamma vakolatni olgan, mana shu prezident maslahatchisi sifatida qoladi va mahalla vaziri bo‘ladi”, deydi prezident.
Ma’lumot uchun, 2022-yil 1-mart kuni Xotin-qizlar va oila ishlari qo‘mitasi tuzildi. Mahalla va oilani qo‘llab-quvvatlash vazirligi esa Mahalla va nuroniylarni qo‘llab-quvvatlash vazirligi sifatida qayta tashkil etildi.
Izoh (0)