Shavkat Mirziyoyev 1-mart kuni o‘tkazilgan yig‘ilishda ayollarning salomatligini tiklash va ularga malakali tibbiy xizmat ko‘rsatish bo‘yicha amalga oshiriladigan ishlar haqida ma’lumot berdi. Bu haqda prezident matbuot kotib xabar qildi.
Qayd etilishicha, 2022-yilda:
- qo‘shimcha 6 ming nafar ayollarga yuqori texnologik tibbiy yordam ko‘rsatiladi (2021 yilga nisbatan 5 baravar ko‘p). Bunga 100 milliard so‘m yo‘naltiriladi;
- respublika bo‘yicha 10 mingdan ziyod nogironligi bo‘lgan xotin-qizlar reabilitatsiya vositalari bilan ta’minlanadi;
- 3 million nafar xotin-qiz onkologik skriningdan o‘tkaziladi, buning uchun budjetdan 40 milliard so‘m mablag‘ ajratiladi;
- 2022—2025-yillarda 227 ta tug‘uruq kompleksi hamda 46 ta tumanlararo perinatal markazlari to‘liq ta’mirlanadi va jihozlanadi;
- 9—12 yoshdagi o‘smir qizlarni odam papillomasi virusiga qarshi emlash va boshqa 12 turdagi vaksinalar uchun 200 milliard so‘m ajratiladi;
- tug‘ish yoshidagi, homilador va bola parvarishidagi ayollarni dori va vitaminlar bilan bepul ta’minlash ko‘lami kengaytirilib, mablag‘lar hajmi 30 milliard so‘mdan 100 milliard so‘mgacha oshiriladi.
Izoh (0)