Shavkat Mirziyoyev raisligida 1-mart kuni o‘tkazilgan videoselektor yig‘ilishida telekanallarda namoyish qilinayotgan seriallarda xotin-qizlar obrazi juda yuzaki, salbiy bo‘yoqlarda tasvirlanayotgani fuqarolarning haqli e’tirozlariga sabab bo‘layotgani aytildi. Bu haqda Prezident matbuot xizmati xabar qildi.
Qayd etilishicha, bunday holatlar dunyoqarashi hali shakllanmagan qizlarning tarbiyasiga salbiy ta’sir ko‘rsatmoqda. Mutasaddilarga ibratli xotin-qizlar obrazlari aks ettirilgan yuksak badiiy, kino va sahna asarlari yaratish choralarini ko‘rish, buning uchun ijodkorlarga maqsadli grantlar ajratish zarurligi ko‘rsatib o‘tilgan.
“Shu o‘rinda oqila qizlarimizga ko‘nglimdagi bir fikrni aytmoqchiman. Bugun biz ochiq jamiyatda yashayapmiz. Bu imkoniyatdan to‘g‘ri foydalanib, ilg‘or g‘oyalarni o‘zlashtirishimiz kerak. Lekin milliy qiyofamizga putur yetkazadigan illatlardan ehtiyot bo‘lishimiz, o‘zligimizni yo‘qotmasligimiz shart”, — deydi davlat rahbari.
Ibo-hayo, poklik, sabr, shukronalik, ilmga intilish singari ezgu qadriyatlarni targ‘ib qiladigan mobil ilovalar va internet platformalarini yaratish muhim ekani ta’kidlangan.
Mavzuga doir:
- “Badiiy saviyaning o‘zi yo‘q”. Saida Mirziyoyeva “Sevimli” telekanalida namoyish etilayotgan serialni tanqid qildi
- “Aktyor va aktrisalarga ishlashga imkon berish kerak”. Nigina Anorboyeva seriallardagi “xola-xola” o‘yini darajasidagi sayozlik va nojo‘ya takliflar haqida (video)
- Fahsh sahnalar, “konfet” aktyor-aktrisalar, saviyasiz ssenariylar. Qo‘ziqorindek bolalagan o‘zbek seriallari haqida
Izoh (0)