“Ayrim xalqaro pul o‘tkazmalari operatorlari faoliyatida vaqtinchalik uzilishlar yoki to‘xtalishlar kuzatilmoqda” — Markaziy bank

O‘zbekiston markaziy banki mamlakat hududida pul o‘tkazmalari tizimlari faoliyatidagi uzilishlar yuzasidan axborot berdi.

Qayd etilishicha, Rossiya va O‘zbekiston o‘rtasidagi transchegaraviy pul o‘tkazmalari, umuman, xalqaro pul o‘tkazmalari operatorlari faoliyatida vaqtinchalik uzilishlar yoki to‘xtalishlar kuzatilmoqda.

“Rossiyadan O‘zbekistonga pul o‘tkazmalarini amalga oshiruvchi ko‘plab tizimlar yo‘lga qo‘yilgan bo‘lib, ba’zi tizimlarda uzilishlar vujudga kelganda, ularning boshqa muqobilidan foydalanish imkoniyati mavjud. Xalqaro pul o‘tkazmalarining aholi uchun dolzarbligidan kelib chiqib, tijorat banklari tomonidan mamlakatimiz hududida ularning uzluksiz faoliyati uchun zarur choralar ko‘rib borilmoqda”, — deyiladi xabarda.