Surxondaryo viloyati Termiz tumanidagi “Navro‘z” chorvachilik majmuasi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, 2001-yilda qurilgan 1 va 2 qavatli bino 130 xonadan iborat. Ferma xo‘jaligining yer maydoni 36,93 gektarni tashkil etadi. Binoning foydali maydoni 22,5 ming kvadrat metr.
Chorvachilik xo‘jaligida kanalizatsiya, suv va elektr ta’minoti bor bo‘lsa-da, gaz mavjud emas.
Auksionga qo‘yilgan majmuaning boshlang‘ich bahosi — 61 mlrd so‘m. Arizalar 17-mart 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Namanganda “Rim” restorani 15 mlrd so‘mga auksionga qo‘yilgani haqida xabar berilgan edi.
Izoh (0)