Shavkat Mirziyoyev raisligida 1-mart kuni xotin-qizlarni qo‘llab-quvvatlash tizimini yangi bosqichga ko‘tarish va ayollarning jamiyatdagi o‘rnini yanada yuksaltirish va mustahkamlash yuzasidan videoselektor yig‘ilishi o‘tkazild. Unda davlat rahbari sohadagi muammoli masalalarni sanab o‘tdi.
Qayd etilishicha, “Ayollar daftari”da 630 mingdan ziyod xotin-qizlar ro‘yxatda turibdi, ulardan 200 ming nafari ishsiz hisoblanadi. 2021-yilda ishsiz ayollar o‘rtasida jinoyatchilik 1,7 baravarga, 18—30 yoshdagi xotin-qizlar tomonidan sodir etilgan jinoyatlar esa 2 baravarga ko‘paygan.
Bundan tashqari, oilada ayollarni xo‘rlash, ularga zo‘ravonlik qilish va tazyiq o‘tkazish holatlari hali mavjud. 2021-yilda 39 mingga yaqin xotin-qizlar oilada eri, qaynonasi, kelini tomonidan zo‘ravonlik bo‘layotgani haqida profilaktika inspektorlariga murojaat qilgan. Bu raqam 2020-yilga nisbatan 2,5 baravarga ko‘paygan.
“Bu borada hali ko‘p ishlar qilishimiz zarur. Afsuski, bu muammolarni hal etishda mahalla faollari, jamoatchiligimiz va nuroniylarimizning o‘rni va ta’siri ham sezilmayapti.
Bir narsani aniq tushunishimiz kerak. Ham oila, ham bola tarbiyasi bilan shug‘ullanish bilan birga, o‘qish, ish yoki tadbirkorlikni olib borish katta matonat talab qiladi”, — deydi prezident.
Izoh (0)