Toshkent shahrida chet eldan keltirilgan giloslar yuqori narxlarda sotilmoqda. “Daryo” muxbiri poytaxtdagi bir nechta bozor va do‘konlarda bo‘lib, mazkur turdagi gilos narxlarini o‘rgandi.
Poytaxtdagi Korzinka do‘konlar tarmog‘ida gilosning 1 kilosi 484 ming 900 so‘mdan taklif etilmoqda. Ushbu gilos Argentinada yetishtirilgani ko‘rsatilgan. Shuningdek, “Oloy” bozorida ham gilos sotilayotganiga guvoh bo‘lish mumkin. U yerda Korzinka’ga nisbatan biroz arzonroq narxlarda — 400-450 ming so‘mdan sotilmoqda.
Toshkentdagi yirik bozorlari — “Chorsu” va “Qo‘yliq”da o‘tkazilgan kuzatishlarda gilos sotuv rastalarida yo‘qligi aniqlandi.
O‘zbekistonda kishi boshiga minimal iste’mol xarajatlari 440 ming so‘m etib belgilangan. Oyiga shu miqdordan kam pul topgan o‘zbekistonlik nochor fuqaro hisoblanadi. Ko‘rinadiki, bir kilo gilos minimal iste’mol xarajatlaridan yuqori baholanmoqda.
Eslatib o‘tamiz, 2021-yilda O‘zbekistonda gilos mavsumi 2020-yilgiga nisbatan 10 kun keyinroq boshlangan va giloslarning birinchi ulgurji partiyasi 35 foiz qimmatroq sotilgan.
Izoh (0)