Ukrainadan Polsha orqali evakuatsiya qilinadigan o‘zbekistonliklarni olib ketish uchun 28-fevral kuni yana bir reys amalga oshirildi. Bu haqda Tashqi ishlar vazirligi xabar qildi.
Qayd etilishicha, 28-fevral Toshkent vaqti bilan 17:15 da Polshaning Katovitse shahridan Uzbekistan Airways maxsus samolyoti Ukrainadan evakuatsiya qilingan fuqarolar bilan uchib ketgan. Ular orasida ayollar, bolalar, talabalar va turli soha xodimlari bor.
Ayni paytda “Karchova” nazorat-o‘tish punktida Ukrainaning Lvov shahridan kelgan O‘zbekiston fuqarolari uchun to‘planish nuqtasi tashkil etilgan. Shu kuni kun davomida o‘zbekistonliklarni olib ketish uchun yana bir maxsus samolyot tashkil etiladi.
Izoh (0)