Toshkent viloyati Bo‘stonliq tumanida joylashgan Chimyon hududidagi dam olish maskani kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, 2019—2020-yillar oralig‘ida qurilgan 1-2 qavatli bino 57 xonadan iborat. Dam olish maskanining yer maydoni 8,73 gektardan iborat. Umumiy maydon — 5 914 kvadrat metr.
Dam olish maskanida gaz, elektr va suv ta’minoti bor bo‘lsa-da kanalizatsiya mavjud emas.
Auksionga qo‘yilgan joyning boshlang‘ich bahosi — 12,5 mlrd so‘m. Arizalar 24-mart 09:00 ga qadar qabul qilinadi. Savdolar xuddi shu kuni 10:00 da boshlanadi.
Dam olish maskani iqtisodiy sudlar hukmi bilan MIB Bo‘stonliq tumani tomonidan auksionga qo‘yilgan.
Avvalroq Namanganda “Rim” restorani 15 mlrd so‘mga auksionga qo‘yilgani haqida xabar berilgan edi.
Izoh (0)