Markaziy bank xorijiy valyutalarning o‘zbek so‘miga nisbatan 1-martda amalda bo‘ladigan qiymatini belgiladi.
Unga ko‘ra, rublning rasmiy kursi 21,46 so‘mga pastlab, 108,6 so‘m bo‘ldi. Shu tariqa rublning so‘mga nisbatan qiymati 2017-yil valyuta liberallashuvi yuz bergandan beri rekord darajada tushib ketdi.
Ukraina va Rossiya o‘rtasidagi mojaro sabab qo‘llanayotgan sanksiyalar tufayli rubl keskin qadrsizlanmoqda. 21-fevral kuni u 143,12 so‘m edi.
Avvalroq rublning so‘mga nisbatan qiymati ikki yil ichida eng past ko‘rsatkichga tushib ketgani haqida xabar berilgan edi.
Izoh (0)