Andijon viloyati Oltinko‘l tumanida fuqarolarni pul evaziga ishga va o‘qishga kiritib qo‘yishni va’da qilgan shaxslar qo‘lga olindi, deb xabar beradi Bosh prokuratura huzuridagi departament.
Ma’lum qilinishicha, departament hamda DXXning Oltinko‘l tumani bo‘limlari tomonidan fuqarolarning huquq va manfaatlarini himoya qilish yuzasidan tezkor tadbir o‘tkazilgan. Tadbirda Z.U., Sh.G. (muqaddam firibgarlik va boshqa jinoyatlari uchun sudlangan) va K.A. ismli shaxslar oldindan til biriktirib, go‘yoki o‘zlarining Toshkent shahridagi tanishlari orqali fuqaro O.ni Milliy gvardiya tizimiga ishga joylashtirish va fuqaro I.ni Jahon iqtisodiyoti va diplomatiya universitetiga o‘qishga kiritib qo‘yishni va’da qilgani aniqlangan.
Ular “o‘z xizmati” evaziga fuqarolardan 32 ming dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Andijon va Xorazm viloyatlarida fuqarolarni o‘qishga kiritish uchun jami 3 ming dollar olgan shaxslar ushlangani, Qashqadaryoda Milliy gvardiyaga ishga kiritib qo‘yish uchun 4 ming dollar olgan shaxs qo‘lga olingani to‘g‘risida xabar berilgandi.
Mavzuga doir:
- Namanganda shifoxonaga ishga kiritib qo‘yish uchun 700 dollar so‘ragan hamshira va mudir o‘rinbosari ushlandi
- Buxoroda fuqaroni neft zavodiga ishga kiritib qo‘yish uchun 2 ming dollar olgan shaxs ushlandi
- Navoiy viloyati xalq ta’limi boshqarmasi haydovchisi pora bilan qo‘lga tushdi
- Samarqandda ishga joylash uchun pora olgan maktab direktori va shifokor qo‘lga olindi
Izoh (0)