O‘zbekistonning Xalqaro moliyaviy institutlardan (XMI) jalb qilgan tashqi qarz hajmi 10,9 mlrd dollarni tashkil qildi. Bu haqda Moliya vazirligining sharhidan ma’lum bo‘ldi.
XMIdan jalb etilgan tashqi qarz umumiy davlat tashqi qarzining 46,3 foizini tashkil qiladi.
XMIdan jalb qilingan mablag‘larning asosiy qismini Osiyo taraqqiyot banki (5,2 mlrd dollar), Jahon banki (4,3 mlrd dollar) va Islom taraqqiyot banki (0,9 mlrd dollar) hissasiga to‘g‘ri keladi.
O‘zbekistonning Osiyo taraqqiyot bankidan qarzi 2021-yilga nisbatan 0,2 mlrd dollarga oshgan bo‘lsa, Jahon bankidan olingan qarz miqdori 0,6 mlrd dollarga o‘sdi.
O‘zbekistonning asosiy kreditorlari Xitoy Eksimbanki, Xitoy davlat taraqqiyot banki, Yaponiya xalqaro hamkorlik agentligi va boshqa mamlakatlarning xorijiy hukumat moliya tashkilotlari hissasiga to‘g‘ri kelmoqda.
Avvalroq O‘zbekistonning davlat qarzi qanchaga yetganligi ma’lum qilingandi.
Izoh (0)