Тошкент вилояти Бўстонлиқ туманида жойлашган Чимён ҳудудидаги дам олиш маскани кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, 2019—2020 йиллар оралиғида қурилган 1-2 қаватли бино 57 хонадан иборат. Дам олиш масканининг ер майдони 8,73 гектардан иборат. Умумий майдон — 5 914 квадрат метр.
Дам олиш масканида газ, электр ва сув таъминоти бор бўлса-да канализация мавжуд эмас.
Аукционга қўйилган жойнинг бошланғич баҳоси — 12,5 млрд сўм. Аризалар 24 март 09:00 га қадар қабул қилинади. Савдолар худди шу куни 10:00 да бошланади.
Дам олиш маскани иқтисодий судлар ҳукми билан МИБ Бўстонлиқ тумани томонидан аукционга қўйилган.
Аввалроқ Наманганда «Рим» ресторани 15 млрд сўмга аукционга қўйилгани ҳақида хабар берилган эди.
Изоҳ (0)