Farg‘ona viloyati Quvasoy shahrida tabiiy gaz tarmog‘iga o‘zboshimchalik bilan ulangan sex faoliyati fosh etildi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Quvasoy shahar bo‘limi tomonidan tergovga qadar tekshiruv o‘tkazilgan. Unda “D.S.” MChJning ohak ishlab chiqarish sexi shartnoma muddati tugagani munosabati bilan 2021-yilning sentabr oyida tabiiy gaz ta’minotidan tegishli tartibda uzilgan bo‘lsa-da, MChJ rahbari F.A. gaz tarmog‘iga o‘zboshimchalik bilan ulanib, faoliyat yuritgani aniqlangan. Oqibatda davlat va jamiyat manfaatlariga 560,5 million so‘m zarar yetkazilgan.
Holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Surxondaryodagi metan-zapravkalardan biri gaz ta’minotiga 448,4 mln so‘mlik zarar yetkazgani aniqlandi
- Samarqand viloyatidagi ikkita oilaviy korxona qariyb 1 mlrd so‘mlik elektr energiyasidan noqonuniy foydalangani aniqlandi
- Navoiyda ohak ishlab chiqarish korxonasi gazdan noqonuniy foydalanib, 295 mln so‘m zarar yetkazgani aniqlandi
Izoh (0)