Toshkent shahri Yashnobod tumanida 17-fevral kuni talonchilik jinoyatini sodir etgan yigit qo‘lga olindi. Bu haqda Tergov departamenti xabar qildi.
Qayd etilishicha, shu kuni soat 12:30 larda noma’lum shaxs o‘zganing mulkini ochiqdan ochiq talon-toroj qilish maqsadida Yashnobod tumani Aviasozlar 1-dahasida joylashgan ko‘p qavatli uyning ikkinchi qavat zinapoyasi yo‘lagida turib olgan. U zinapoyadan o‘zining xonadoniga kirish uchun ko‘tarilayotgan 73 yoshli V.P.ni to‘xtatgan. Uni kuch ishlatish bilan qo‘rqitib, qo‘lidagi sumkasini talonchilik yo‘li bilan tortib olib, hodisa joyidan yashiringan.
Olib borilgan tergov-tezkor harakatlari natijasida, mazkur jinoyatni Toshkent viloyatida yashovchi 18 yoshli K.Sh. sodir etgani aniqlangan.
Holat yuzasidan K.Sh.ga nisbatan Jinoyat kodeksning 166-moddasi 2-qismi “a” bandi (talonchilik) bilan jinoyat ishi qo‘zg‘atilgan.
Hozirda yuqoridagi shaxs nima sababdan talonchilikka qo‘l urgani aniqlanmoqda.
Mavzuga doir:
Izoh (0)