Futbol bo‘yicha Yevropa Chempionlar Ligasi nimchorak final bosqichidan o‘rin olgan ikki uchrashuv 22-fevral, seshanba kuni bo‘lib o‘tdi.
“Chelsi” o‘z maydonida “Lill”ni mehmon qildi. Uchrashuvning 8-daqiqasida Kay Haverts hisobni ochdi. 63-daqiqada Kristian Pulishich londonliklarning ikkinchi goliga mualliflik qildi.
Shu tariqa “Chelsi” “Lill”ni ishonchli hisobda mag‘lub etib, javob bahsi oldidan imkoniyatlarini oshirib oldi.
“Yuventus” Ispaniyaning “Vilyarreal” klubi bilan bahs olib bordi. O‘yinning 1-daqiqasida Dushan Vlahovich gol urgan bo‘lsa, 66-daqiqada Dani Parexo muvozanatni tikladi. Uchrashuvning qolgan daqiqalarida darvozalar daxlsizligi saqlanib qoldi.
Har ikkala qarama-qarshilikning javob bahslari 16-mart sanasiga belgilangan.
Yevropa Chempionlar Ligasi
1/8 final, dastlabki bahslar
22-fevral, seshanba
“Chelsi” Angliya – “Lill” Fransiya 2:0
Gollar: 1:0 – 8 Haverts, 2:0 – 63 Pulishich.“Chelsi”: Mendi, Aspilikueta, Tiago Silva, Ryudiger, Kristensen, Alonso (Sarr, 80), Kovachich (Loftus-Chik, 51), Kante, Ziyosh (Saul, 60), Pulishich (Verner, 80), Haverts.
“Lill”: Leo Jardim, Chelik, Fonte, Botman, Tiagu Jalo (Gudmundsson, 76), Andre, Sheka, Sanshesh (Ben-Arfa, 81), Onana (Yilmaz, 65), Bamba, Devid (Jegrova, 81).
Ogohlantirishlar: Loftus-Chik (83), Ben Arfa (87).
“Vilyarreal” Ispaniya – “Yuventus” Italiya 1:1
Gollar: 0:1 – 1 Vlahovich, 1:1 – 66 Parexo.“Vilyarreal”: Ruli, Foyt, Albiol, Pau Torres, Alberto Moreno (Trigeros, 79), Pedrasa (Estupinyan, 79), Pino, Kapu, Parexo, Dia, Lo Chelso, Chukvueze (Yeremi Santos, 90), Danjuma (Dia, 90).
“Yuventus”: Shensni, Aleks Sandro (Bonuchchi, 46), Danilo, de Ligt, De Shilyo (Pellegrini, 87), Kuadrado, Rabyo, Lokatelli (Artur, 71), Makkenni (Zakariya, 81), Morata, Vlahovich.
Ogohlantirishlar: Ruli (73), Rabyo (73).
Izoh (0)