“Milan” himoyachisi Teo Ernandes iti bilan sodir bo‘lgan voqea tufayli sudda ishtirok etadi.
RMC Sport’ga ko‘ra, futbolchining pitbuli keksa ayolning itini o‘ldirib qo‘ygan. Ernandesning pitbuli darvoza ochiq qolganidan foydalanib, ko‘chaga yugurib chiqadi va sayr qilib yurgan 74 yoshli ayolning itini tishlab, o‘ldiradi.
Pitbul hayvonini himoya qilgan ayolga ham tashlanadi. Jabrlanuvchining yaqini ayol shok holatida shifoxonaga yotqizilgani va ular Ernandesni sudga bermoqchi ekanini ma’lum qildi.
Ma’lumot uchun, Teo 2019-yildan beri “Milan” safida to‘p surib kelmoqda. Avvalroq, 24 yoshli futbolchi Italiya klubi bilan 2026-yilga qadar mo‘ljallangan shartnomaga imzo chekdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)