Sergeli tumanida aholidan kommunal xizmatlar uchun undirilgan mablag‘ni o‘zlashtirgan xususiy uy-joy mulkdorlari shirkati aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Sergeli tuman bo‘limi tomonidan tergovga qadar tekshiruv o‘tkazilgan. Tekshiruv davomida tumandagi “S.Sh.” xususiy uy-joy mulkdorlari shirkati mansabdor shaxslari aholidan uy-joy kommunal xizmati uchun yig‘ib olingan 193 million so‘m naqd pullarni shirkatning bankdagi hisob raqamiga kirim qilmasdan, o‘zlashtirish va rastrata qilish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Surxondaryoda shirkat rahbari ta’mirlash va qurilish ishlari uchun ajratilgan puldan 525,2 million so‘mni o‘zlashtirgani, Sergelida shirkat rahbari xonadon egalaridan undirilgan 431 mln so‘mni talon-toroj qilgani to‘g‘risida xabar berilgandi.
Mavzuga doir:
- Buxoroda garovdagi qariyb 800 mln so‘mlik mulklarni sotib yuborgan korxona rahbari va sobiq bank xodimi ushlandi
- Jizzaxda 350 mln so‘m kredit mablag‘ini talon-toroj qilgan korxona rahbari aniqlandi
- O‘zbekistonning uchta hududida tadbirkorlarning mulklarini o‘zlashtirgan shaxslar ushlandi
- Buxoro viloyat prokuraturasi viloyatdagi qurilishlarda 1,2 mlrd so‘m mablag‘ “yeb ketilgani”ni ma’lum qildi
Izoh (0)