Toshkent viloyatida haydovchilik Andijon viloyatida qishloq xo‘jaligi texnika vositalarini boshqarish huquqini beruvchi guvohnomani qisqa muddatda olib berishni va’da qilib, fuqarolardan pul so‘raganlar qo‘lga tushdi, deya xabar qilmoqda Bosh prokuratura huzuridagi Iqtisodiy jinoyatlarga qarshi kurashish departamenti.
Bosh prokuratura huzuridagi departamentning Andijon tumani bo‘limi tomonidan o‘tkazilgan tezkor tadbirda fuqaro Sh.B. fuqaro N.ni aldab, unga o‘zining Qo‘rg‘ontepa tuman YHXBda ishlovchi tanishlari orqali qisqa muddatda o‘qishga bormasdan haydovchilik guvohnomasini olib berishni va’da qilib, evaziga 5 million so‘mni olgan vaqtida ashyoviy dalillar bilan ushlangan.
Xuddi shunday holat departamentning O‘rta Chirchiq tuman bo‘limi tomonidan o‘tkazilgan tezkor tadbirda fuqaro B.M. fuqaro A.dan unga qishloq xo‘jaligi texnika vositalarini boshqarish huquqini beruvchi guvohnomani o‘quv kurslarida qatnashmasdan turib, go‘yoki o‘zining “Agroinspeksiya”da ishlovchi tanishi orqali olib berish evaziga 2,3 mln so‘mni firibgarlik yo‘li bilan olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Bundan avval Toshkentda 900 dollarga “prava”ni imtihonsiz olib bermoqchi bo‘lgan shaxslar, Samarqandda darslarga qatnashmasdan, 20 kunda “prava” olib berishni va’da qilgan xususiy maktab rahbari hamda Namangan va Qoraqalpog‘istonda fuqarolarga qisqa muddatda haydovchilik guvohnomalarini olib berishni va’da qilgan shaxslar ushlangani haqida xabar berilgandi.
Izoh (0)