Samarqand viloyatining Paxtachi tumanidagi bozorlarning birida bozorqo‘mni qo‘rqitib, undan 1500 dollar undirgan tovlamachilar qo‘lga olindi. Bu haqda “Daryo”ga DXX Samarqand viloyat boshqarmasi ma’lum qildi.
Ma’lum bo‘lishicha, Paxtachi tumanidagi “Sanobar savdo kompleksi 2020” MCHJda savdo qiluvchi fuqarolar — 68 yoshli A.K. va 64 yoshli Q.B. hokimiyat idoralariga bozor hududida savdo qilish uchun sharoit yaratilmagani va patta tarqatilmayotgani haqida shikoyat qilgan. Keyinchalik esa savdo kompleksi rahbariga bosim o‘tkazib, arizani qaytarib olish evaziga undan pul talab qilgan.2022-yilning 14-fevral kuni huquqni muhofaza qiluvchi organlar tomonidan o‘tkazilgan tadbirda bozor rahbaridan tovlamachilik yo‘li bilan 1600 dollar olgan otaxonlar jinoyat ustida qo‘lga olingan.
Hozirda holat yuzasidan fuqarolarga nisbatan Jinoyat kodeksining tegishli moddalari bilan jinoiy ish qo‘zg‘atilgan.
Mavzuga doir:
- Qashqadaryoda ayolning behayo videosini tarqatmaslik uchun 900 dollar va qimmatbaho buyumlar talab qilgan erkak ushlandi
- Namanganda xotini bilan gaplashgan yigitni o‘ldirish bilan qo‘rqitib, undan 7 mln so‘m talab qilgan erkak ushlandi
- Bulung‘urda litsenziyasiz kirakashlik qilayotgan fuqarolardan pul undirish bilan shug‘ullanib kelgan guruh a’zolari ushlandi
Izoh (0)