Prezident qarori bilan Milliy gvardiya Respublika ixtisoslashtirilgan musiqa akademik litseyi negizida Milliy gvardiya Harbiy musiqa akademik litseyi tashkil etildi. Bu haqda Telegram’dagi “Huquqiy axborot” kanali xabar qildi.
Qayd etilishicha, harbiy musiqa akademik litseyiga ilmiy-metodik yordam ko‘rsatish maqsadida O‘zbekiston davlat konservatoriyasi, Toshkent davlat pedagogika universiteti hamda Jamoat xavfsizligi universiteti biriktirildi. Harbiy musiqa akademik litseyida:
- istisno tariqasida mavjud umumiy o‘rta ta’lim sinflari saqlab qolinadi;
- o‘quvchilar bepul turarjoy va oziq-ovqat bilan ta’minlanadi;
- 1−2-bosqich o‘quvchilari Milliy gvardiya qo‘mondoni tomonidan tasdiqlangan bepul kiyim-bosh bilan ta’minlanadi;
- o‘qitish Damli va zarbli cholg‘ular ijrochiligi ta’lim yo‘nalishi bo‘yicha amalga oshiriladi;
- bitiruvchilarga davlat namunasidagi diplom, orkestr artisti malaka darajasi hamda ko‘krak nishoni beriladi.
Izoh (0)