O‘zbekistonda xizmat ko‘rsatgan artist Jo‘raxon Po‘latov 88 yoshida vafot etdi. Bu haqda Madaniyat vazirligi xabar qildi.
Jo‘raxon Po‘latov 1934-yilning 10-iyun sanasida Farg‘ona viloyati Qo‘qon shahrida tug‘ilgan.
“Ustoz san’atkor askiya san’atining zabardast vakillaridan biri edi. U uzoq yillar madaniyat sohasining turli yo‘nalishlarida, xususan, Qo‘qon shahar Hamza nomidagi o‘zbek davlat musiqali drama teatri hamda Qo‘qon shahar musiqali drama teatrida fidoyilik bilan mehnat qildi.
Jo‘raxon Po‘latov xalqona, samimiy kulgiga boy har bir chiqishlari bilan xalqimiz mehrini qozondi. San’at olamida o‘zidan o‘chmas iz qoldirgan ustoz san’atkorning yorqin xotirasi hamisha qalbimizda qoladi.
Jo‘raxon Po‘latovning oila a’zolari va yaqinlariga chuqur hamdardlik bildiramiz”, — deydi madaniyat vaziri Ozodbek Nazarbekov.
Izoh (0)