Toshkent shahridagi Alisher Navoiy shohko‘chasini rekonstruksiya qilish loyihasi ishlab chiqildi. Bu haqda shahar hokimligi xabar qildi.
Qayd etilishicha, tirbandliklarni kamaytirish, haydovchilar hamda piyodalarga qulaylik yaratish maqsadida shohko‘cha to‘liq rekonstruksiya qilinadi.
Ta’mirlash ishlaridan so‘ng Alisher Navoiy va Paxtakor, Alisher Navoiy va Labzak ko‘chalari kesishmasi quyidagicha ko‘rinishga ega bo‘ladi.
“Ushbu ko‘chalardan harakatlanayotganda ta’mirlash ishlarini inobatga olishingizni so‘raymiz. Noqulayliklar uchun uzr so‘raymiz”, — deyiladi xabarda.
Avvalroq Toshkent shahar va Yashnobod tuman hokimliklarining qarorlari asosida “Aviasozlar” saroyining to‘liq rekonstruksiyasi boshlangani xabar qilingandi. Qayd etilishicha, tuman aholisi uchun mazkur saroyni eng yangi andozalar asosida qayta tiklash rejalashtirilgan.
Shuningdek, Toshkent shahrining Eski shahar hududida rekonstruksiya ishlari olib borilib, turistik markaz barpo etiladi.
- Toshkentning Bobur ko‘chasida yashil maydonlar tashkil etilishi sabab yo‘lning bir qismi yopilishi mumkin
- Toshkent hokimligi tramvay yo‘llarini qurish boshlangani to‘g‘risidagi mish-mishlarga munosabat bildirdi
- Shavkat Mirziyoyev Samarqand shahrining Bo‘stonsaroy va Rudakiy ko‘chalari kesishmasida qurilgan tunnelni borib ko‘rdi
Izoh (0)