Futbol bo‘yicha Italiya A Seriyasining 25-turidan o‘rin olgan o‘yinlar 12-fevral, shanba kuni bo‘lib o‘tdi.
“Napoli” o‘z maydonida “Inter”ni qabul qildi. Uchrashuvning 7-daqiqasida Lorenso Insinye penaltini aniq amalga oshirib, neapolliklarni hisobda oldinga olib chiqdi. 47-daqiqada esa Edin Jeko muvozanatni tikladi. Uchrashuvning qolgan daqiqalarida gol bo‘lmadi.
Simone Inzagi shogirdlari ushbu durang natijadan so‘ng ochkolari sonini 54 taga yetkazdi va birinchi o‘rinda qoldi. “Napoli” esa 53 ochko bilan milanliklarni ta’qib qilishda davom etmoqda.
A Seriya
25-tur bahslari
“Napoli” — “Inter” 1:1
Gollar: 1:0 – 7 Insinye (penalti), 1:1 – 47 Jeko.“Napoli”: Ospina, di Lorenso, Kulibali, Rrahmani, Mariu Ruy, Lobotka, Zelinski (Jezus, 84), Fabian Ruis (Zambo-Angissa, 74), Insinye (Unas, 84), Politano (Elmaz, 26), Osimhen (Mertens, 84).
“Inter”: Handanovich, Dumfris, de Vrey, Shkrinyar, Dimarko (D’Ambrozio, 90), Perishich, Brozovich, Chalxano‘g‘lu (Vidal, 84), Barella, Jeko, Martines (Sanches, 83).
Ogohlantirishlar: Insinye (37), Brozovich (60).
Izoh (0)