Futbol bo‘yicha Klublar o‘rtasidagi Jahon chempionatining uchinchi o‘rin uchun bahsida “Al-Hilol” 12-fevral, shanba kuni “Al-Ahli” bilan bahs olib bordi.
Uchrashuvning 8 va 17-daqiqalarida Yasser al-Hanafi dubl qayd etdi. “Al-Hilol” futbolchilari Mateus Fereyra hamda Muhammad Kano 14 va 28-daqiqalarda qizil kartochka olib, maydonni tark etdi. Qolgan daqiqalarda “Al-Hilol” 9 kishi bo‘lib harakat qildi.
40-daqiqada Radvan Abdulqodir “Al-Ahli”ning uchinchi goliga mualliflik qildi. 64-daqiqada esa Amr as-Sulayya to‘rtinchi golni urdi va jamoasining yirik hisobdagi g‘alabasiga hissa qo‘shdi.
Shu tariqa “Al-Ahli” Klublar o‘rtasidagi Jahon chempionatining uchinchi o‘rnini egalladi. “Al-Ahli” yarim finalda “Palmeyras”ga imkoniyatni boy bergan bo‘lsa, “Al-Hilol” “Chelsi”ga mag‘lub bo‘lib, final yo‘llanmasidan mahrum bo‘lgandi.
Klublar o‘rtasidagi Jahon chempionati finalida “Palmeyras” Londonning “Chelsi” klubi bilan o‘zaro bahs olib boradi. Uchrashuv Toshkent vaqti bilan 21:30 da boshlanadi.
Klublar o‘rtasidagi JCh—2021
Uchinchi o‘rin uchun bahs
12-fevral,shanba
“Al-Hilol” (Saudiya Arabistoni) — “Al-Ahli” (Misr) 0:4
Gollar: 0:1 – 8 al-Hanafi, 0:2 – 17 al-Hanafi, 0:3 – 40 Abdulqodir Radvan, 0:4 – 64 as-Sulayya.“Al-Hilal”: al-Ovays, Abdulhamid, Chjan Xen Su (Aljuvayr, 72), al-Mufarraj, ash-Shahroni (al-Breyk, 72), Karrilyo (al-Faraj, 46), ad-Dosari (Maykl Richard, 84), Kuelyar (Jahfali, 46), Kanno, Mateus Pereyra, Marega.
“Al-Ahli”: Lotfi, Hany (Fuad, 46), al-Hanafi, Abdelmonem, Maalul (Mahmud, 87), as-Sulayya, Fathi, Deng (Soliman, 66), Abdulqodir Radvan (Mikvesson, 87), Sherif, Muhammad (ash-Shahat, 46).
Ogohlantirishlar: Hany (32), Muhammadd (45), Sherif (55), al-Faraj (58).
Chetlatish: Mateus Pereyra (14), Kanno (28).
Izoh (0)