Futbol bo‘yicha Klublar o‘rtasidagi Jahon chempionatining final bahsida “Chelsi” 12-fevral, shanba kuni “Palmeyras” bilan bahs olib bordi.
Uchrashuvning birinchi 45 daqiqasida darvozalarga to‘p kiritilmadi va jamoalar tanaffusga 0:0 hisobida yo‘l oldi.
55-daqiqada Romelu Lukaku chap qanotdan oshirilgan to‘pni boshi bilan darvozaga joylab, hisobni ochdi. Oradan 10 daqiqa o‘tib, London klubi darvozasi tomon 11 metrlik jarima zarbasi belgilandi. Penaltini Rafael Veyga aniq amalga oshirdi — 1:1. Ushbu hisob uchrashuvning asosiy vaqti yakunlanguniga qadar saqlanib qoldi.
Shundan so‘ng jamoalar qo‘shimcha bo‘limlarga murojaat qildi. 117-daqiqada “Chelsi” penalti tepish imkoniyatiga ega bo‘ldi va uni Kay Haverts muvaffaqiyatli amalga oshirdi.
Shu tariqa Yevropa Chempionlar Ligasi g‘olibi “Chelsi” Janubiy Amerikasida tengsiz bo‘lgan “Palmeyras”ni yengib, klublar o‘rtasidagi Jahon chempionati g‘olibiga aylandi.
Klublar o‘rtasidagi JCh—2021
Final bahsi
12-fevral,shanba
“Chelsi” Angliya – “Palmeyras” Braziliya 1:1
Gollar: 1:0 – 55 Lukaku, 1:1 – 64, penalti Rafael Veyga, 2:1 – 117, penalti Haverts.“Chelsi”: Mendi, Aspilikueta, Tiago Silva, Ryudiger, Kristensen (Sarr, 90), Kovachich (Ziyosh, 90), Kante, Maunt (Pulishich, 31), Haverts, Lukaku (Verner, 76), Hadson-Odoi (Saul, 77).
“Palmeyras”: Ueverton, Markos Rosha (Deyverson, 118), Gomes, Luan, Pikeres, Skarpa, Ze Rafael (Jailson, 60), Danilo, Rafael Veyga (Atuesta, 78), Roni (Vesli, 77), Dudu (Rafael Navarro, 103).
Ogohlantirishlar: Vesli (105), Luan (115), Atuesta (116), Haverts (118).
Chetlatish: Luan (120).
Izoh (0)