Futbol bo‘yicha Germaniya Bundesligasining 22-turidan o‘rin olgan bir qator o‘yinlar 12-fevral, shanba kuni bo‘lib o‘tdi.
“Bavariya” “Boxum” mehmoni bo‘ldi. Uchrashuvning 9-daqiqasida Robert Levandovski hisobni ochdi. 14-daqiqada Antvi-Ajey muvozanatni tikladi. 38-daqiqada Yurgen Lokadiya penaltidan unumli foydalanib, “Boxum”ni hisobda oldinga olib chiqdi. 40-daqiqada Kristian Gamboa mezbonlarning uchinchi goliga mualliflik qildi. 44-daqiqada esa Gerrit Holtmann hisobni yirik ko‘rinishga olib keldi.
75-daqiqada Robert Levandovski hisobni qisqartirishga muvaffaq bo‘ldi. Biroq bu mag‘lubiyatdan qutilib qolish uchun yetarli bo‘lmadi.
Shu tariqa “Bavariya” kutilmaganda mag‘lubiyatga uchradi. Myunxenliklar mag‘lubiyatga qaramay 52 ochko bilan birinchi o‘rinda qoldi. “Boxum” ochkolari sonini 28 taga yetkazdi va o‘n birinchi o‘ringa ko‘tarilib oldi.
Bundesliga musobaqa jadvali, o‘yinlar taqvimi va to‘purarlar ro‘yxati shu yerda — ko‘rish.
Bundesliga
22-tur bahslari
12-fevral, shanba
“Boxum” — “Bavariya” 4:2
Gollar: 0:1 – 9 Levandovski, 1:1 – 14 Antvi-Ajey, 2:1 – 38 Lokadiya (penalti), 3:1 – 40 Gamboa, 4:1 – 44 Holtmann, 4:2 – 75 Levandovski.“Boxum”: Esser, Gamboa (Stafilidis, 72), Lyaytsh, Bella-Kochap, Danilo Soares, Losilla, Rejbechay (Mashovich, 90), Osterxage, Lokadiya (Polter, 80), Holtmann (Pantovich, 80), Antvi-Ajey (Asano, 80).
“Bavariya”: Ulrayx, Pavar, Zyule, Upamekano (Tolisso, 46), Ernandes, Gnabri, Kimmix, Myuller (Shupo-Moting, 64), Levandovski, Koman (Zabitser, 75), Sane.
Ogohlantirishlar: Gamboa (58), Rejbechay (74), Pavar (90+1).
Izoh (0)