Франциялик вирусолог, тиббиёт бўйича Нобель мукофоти совриндори Люк Монтанье 89 ёшида вафот этди. Бу ҳақда Le Monde газетаси хабар берди.
Олим 1983 йилда ОИВ ретровирусини кашф қилганидан кейин дунё миқёсида шуҳрат қозонганди.
Le Monde нашрининг ёзишича, Монтанье 8 февраль куни Париж яқинидаги Нейи-сюр-Сен коммунасидаги касалхонада вафот этган. Бироқ коммуна мэрияси ушбу маълумотни бир кун ўтиб расман тасдиқлаган.
Монтанье турли вақтларда Глазгодаги Вирусология институтида, Орсайдаги радий институтида ҳамда Пастер институтида ишлаган. 2008 йилда у ва ҳамкасби Француаза Барре-Синусси ОИВни кашф этгани учун физиология ва тиббиёт бўйича Нобель мукофотига сазовор бўлган. Бироқ Монтаньенинг кейинги ишлари ва баёнотлари илмий ҳамжамиятнинг қарама-қарши реакцияларига сабаб бўлди, хусусан, у антивакциначи бўлгани учун танқид қилинди.
Аввал Покистон ядро дастурининг раҳбари Абдуқодир Хон, Нобель мукофоти совриндори, «евронинг отаси» Роберт Манделл вафот этгани ҳақида хабарлар берилганди.
Изоҳ (0)