Rossiya va Belarus harbiy xizmatchilari ishtirokidagi “Ittifoqchilik jasorati” qo‘shma mashg‘ulotlar boshlandi. Manyovrlar Belarusdagi umumqo‘shin poligonlarida o‘tkazilmoqda, deb xabar beradi Rossiya Mudofaa vazirligi matbuot xizmati.
“10-fevral kuni Belarus Qurolli kuchlarining umumqo‘shin poligonlaridan Ittifoq davlat kuchlarini sinovdan o‘tkazishning ikkinchi bosqichi doirasida ‘Ittifoqchilik jasorati — 2022’ qo‘shma o‘quv mashg‘ulotlari boshlandi”, — deyiladi idora xabarida.
Mudofaa vazirligining ta’kidlashicha, 20-fevralga qadar davom etadigan mashg‘ulotlar “mudofaa operatsiyasi jarayonida tashqi tajovuzni bostirish va qaytarish, shuningdek, terrorizmga qarshi kurashish va ittifoq davlatlari manfaatlarini himoya qilish” vazifalarini sifatli uddalash maqsadida tashkil etilmoqda.
Harbiy mashg‘ulotlar davomida shartli jangarilar guruhlarining bostirib kirishini to‘xtatish, qurol-yarog‘ va o‘q-dorilar yetkazilishiga to‘sqinlik qilish maqsadida davlat chegarasini qo‘riqlash kuchaytiradi. Rossiya va Belarus harbiylari shartli noqonuniy qurolli tuzilmalar va qo‘poruvchi-razvedka guruhlarini aniqlab, ularni zararsizlantiradi.
Mashg‘ulotlar Belarusdagi Domanovskiy, Gokskiy, Obuz-Lesnovskiy, Brest va Osipovichi poligonlarida bo‘lib o‘tadi. Aviatsiya uchun Baranovich, Lunines, Lid ava Machulishi aerodomlaridan foydalaniladi.
Idora ma’lumotlariga ko‘ra, manyovrlarda Rossiya Sharqiy harbiy okrugi harbiy qismlari, bo‘linmalarida va boshqaruv organlari hamda Belarus Qurolli kuchlari ishtirok etmoqda.
Avvalroq Rossiya—Belarus harbiylari o‘rtasidagi qo‘shma o‘quv mashg‘ulotlar 2022-yilning fevralida o‘tkazilishi to‘g‘risida xabar berilgandi. Belarus prezidenti Aleksandr Lukashenko 17-yanvar kuni Minskda o‘tkazilgan yig‘ilishda qo‘shma o‘quv mashg‘ulotlari fevralda boshlanishini ma’lum qilgan. Shuningdek, uning so‘zlariga ko‘ra, Boltiqbo‘yi davlatlari va Polshaning o‘n minglab harbiy xizmatchilari e’tibori Belarus chegarasiga qaratilgan. 18-yanvar kuni esa Rossiya Qurolli Kuchlarining “Ittifoqchilik jasorati” qo‘shma o‘quv mashg‘ulotlarida ishtirok etadigan ilk bo‘linmalari Belarusga yetib kelgandi.
Izoh (0)