Россия ва Беларусь ҳарбий хизматчилари иштирокидаги «Иттифоқчилик жасорати» қўшма машғулотлар бошланди. Манёврлар Беларусдаги умумқўшин полигонларида ўтказилмоқда, деб хабар беради Россия Мудофаа вазирлиги матбуот хизмати.
«10 февраль куни Беларусь Қуролли кучларининг умумқўшин полигонларидан Иттифоқ давлат кучларини синовдан ўтказишнинг иккинчи босқичи доирасида ‘Иттифоқчилик жасорати — 2022’ қўшма ўқув машғулотлари бошланди», — дейилади идора хабарида.
Мудофаа вазирлигининг таъкидлашича, 20 февралга қадар давом этадиган машғулотлар «мудофаа операцияси жараёнида ташқи тажовузни бостириш ва қайтариш, шунингдек, терроризмга қарши курашиш ва иттифоқ давлатлари манфаатларини ҳимоя қилиш» вазифаларини сифатли уддалаш мақсадида ташкил этилмоқда.
Ҳарбий машғулотлар давомида шартли жангарилар гуруҳларининг бостириб киришини тўхтатиш, қурол-яроғ ва ўқ-дорилар етказилишига тўсқинлик қилиш мақсадида давлат чегарасини қўриқлаш кучайтиради. Россия ва Беларусь ҳарбийлари шартли ноқонуний қуролли тузилмалар ва қўпорувчи-разведка гуруҳларини аниқлаб, уларни зарарсизлантиради.
Машғулотлар Беларусдаги Домановский, Гокский, Обуз-Лесновский, Брест ва Осиповичи полигонларида бўлиб ўтади. Авиация учун Баранович, Лунинес, Лид ава Мачулиши аэродомларидан фойдаланилади.
Идора маълумотларига кўра, манёврларда Россия Шарқий ҳарбий округи ҳарбий қисмлари, бўлинмаларида ва бошқарув органлари ҳамда Беларусь Қуролли кучлари иштирок этмоқда.
Аввалроқ Россия—Беларусь ҳарбийлари ўртасидаги қўшма ўқув машғулотлар 2022 йилнинг февралида ўтказилиши тўғрисида хабар берилганди. Беларусь президенти Александр Лукашенко 17 январь куни Минскда ўтказилган йиғилишда қўшма ўқув машғулотлари февралда бошланишини маълум қилган. Шунингдек, унинг сўзларига кўра, Болтиқбўйи давлатлари ва Польшанинг ўн минглаб ҳарбий хизматчилари эътибори Беларусь чегарасига қаратилган. 18 январь куни эса Россия Қуролли Кучларининг «Иттифоқчилик жасорати» қўшма ўқув машғулотларида иштирок этадиган илк бўлинмалари Беларусга етиб келганди.
Изоҳ (0)