Madagaskar oroliga yopirilgan “Batsirai” tropik bo‘roni oqibatida kamida 101 kishi halok bo‘ldi. Bu haqda Ikongo okrugi deputati Jan Bryunel Razafintsiandraofaga tayanib, Madagascar Tribune gazetasi xabar berdi.
Ma’lumotlarga ko‘ra, beshta kommunada odamlar vafot etgan. Orolning sharqiy qismida joylashgan Ikongo okrugi to‘rt kun oldin birinchi bo‘lib bo‘ronga uchragan edi. Qurbonlarning aksariyati kuchli shamol va ko‘chkilar tufayli uylarning qulashi oqibatida halok bo‘lgan. Binolar tom ma’noda tog‘ yonbag‘irlaridan surib tashlangan.
Markaziy hokimiyat idoralariga Ikongo okrugidagi barcha halok bo‘lganlar to‘g‘risida tegishli tartibda rasmiylashtirilgan hujjatlar haligacha yetib kelmagan.
Eslatib o‘tamiz, ikki hafta oldin Janubiy Afrika davlatlariga “Ana” tropik bo‘roni yopirilgandi. Hind okeanining janubi-g‘arbida boshlangan bo‘ron 2022-yil 22-yanvarda Afrika sohillariga yetib kelgan. Kuchli shamol va suv toshqinlari Madagaskar, Mozambik va Malavida minglab uylarni vayron qildi, kamida 86 nafar odam halok bo‘ldim 100 minglab kishilar tabiiy ofatdan qochib, xonadonlarini tark etdi va elektr ta’minoti yo‘q yerlarga ketgan.
Izoh (0)