“O‘zavtosanoat” kompaniyasi boshqaruv raisi o‘rinbosari Azizbek Shukurov bojxona to‘lovlarining yuqori ekanini tan olib, ular qayta ko‘rib chiqilishi kerak deb hisoblaydi. Bu haqda u o‘zining Linkedin’dagi sahifasiga yozib qoldirgan.
Shuningdek, Azizbek Shukurov iqtisodchi Yuliy Yusupovning maqolasi bo‘yicha qator savollarni o‘rtaga tashlagan:
- dunyoning qaysi mamlakatidagi avtomobil sanoatida sertifikatsiya talablari mavjud emas? (Yusupov o‘z maqolasida avtomobillar importi uchun asosiy tarifsiz to‘siqlardan biri — mahalliy sertifikatlashtirish organlaridan sertifikat olish zarurati ekanini qayd etgan);
- sizningcha “sertifikatning xalqaro tan olinishi” nimani anglatadi? (maqolada u xalqaro tan olingan sertifikatga ega modellar mahalliy sertifikatlarni olish tartibidan voz kechishga chaqirgan);
- jismoniy shaxslar tomonidan avtomobillarni olib kirishda iqlim sinovlari o‘tkazilmasligini bilasizmi? (Yusupovga ko‘ra, iqlim sinovlari uch oy davomida 15 ming kilometr masofa yurish bilan o‘tkaziladi. Import qiluvchi korxona har bir modeldagi avtomobildan 2 donadan taqdim etishi, modellar har xil quvvatli motorli bo‘lganda esa 2 xil dvigatelli turli avtomobillarini taqdim etishi kerak);
- “O‘zavtosanoat”dagi korrupsiyalar bo‘yicha sizda faktlar bormi? (Iqtisodchi o‘z fikrida import avtomobillarni sertikatsiyadan o‘tkazish tizimi mahalliy iste’molchilarning manfaatlariga tajovuz qilishini, chunki ular barcha monopol-korrupsion “yakun”lar uchun pul to‘lashi kerak bo‘lishini yozgan).
Izoh (0)