«Ўзавтосаноат» компанияси бошқарув раиси ўринбосари Азизбек Шукуров божхона тўловларининг юқори эканини тан олиб, улар қайта кўриб чиқилиши керак деб ҳисоблайди. Бу ҳақда у ўзининг Linkedin’даги саҳифасига ёзиб қолдирган.
Шунингдек, Азизбек Шукуров иқтисодчи Юлий Юсуповнинг мақоласи бўйича қатор саволларни ўртага ташлаган:
- дунёнинг қайси мамлакатидаги автомобиль саноатида сертификация талаблари мавжуд эмас? (Юсупов ўз мақоласида автомобиллар импорти учун асосий тарифсиз тўсиқлардан бири — маҳаллий сертификатлаштириш органларидан сертификат олиш зарурати эканини қайд этган);
- сизнингча «сертификатнинг халқаро тан олиниши» нимани англатади? (мақолада у халқаро тан олинган сертификатга эга моделлар маҳаллий сертификатларни олиш тартибидан воз кечишга чақирган);
- жисмоний шахслар томонидан автомобилларни олиб киришда иқлим синовлари ўтказилмаслигини биласизми? (Юсуповга кўра, иқлим синовлари уч ой давомида 15 минг километр масофа юриш билан ўтказилади. Импорт қилувчи корхона ҳар бир моделдаги автомобилдан 2 донадан тақдим этиши, моделлар ҳар хил қувватли моторли бўлганда эса 2 хил двигателли турли автомобилларини тақдим этиши керак);
- «Ўзавтосаноат»даги коррупциялар бўйича сизда фактлар борми? (Иқтисодчи ўз фикрида импорт автомобилларни сертикациядан ўтказиш тизими маҳаллий истеъмолчиларнинг манфаатларига тажовуз қилишини, чунки улар барча монопол-коррупцион «якун»лар учун пул тўлаши керак бўлишини ёзган).
Изоҳ (0)