Prezident Shavkat Mirziyoyev “O‘zbekiston Respublikasida chorvachilik sohasi va uning tarmoqlarini rivojlantirish bo‘yicha 2022-2026-yillarga mo‘ljallangan dasturni tasdiqlash to‘g‘risida”gi qarorni imzoladi, deb xabar beradi O‘zA.
Qaror mamlakatda chorvachilik mahsulotlari ishlab chiqarishni ko‘paytirish hisobiga oziq-ovqat xavfsizligini ta’minlash, ishlab chiqarishning zamonaviy usullarini keng joriy etish, bu orqali qo‘shilgan qiymat zanjirini yaratish maqsadida qabul qilingan.
Hujjatga bilan Investitsiyalar va tashqi savdo vazirligiga Veterinariya va chorvachilikni rivojlantirish davlat qo‘mitasi, Moliya vazirligi hamda manfaatdor vazirlik va idoralar bilan birgalikda chorvachilik va uning tarmoqlarini rivojlantirish maqsadlari uchun 2022-yilda Jahon bankining 300 million dollar miqdoridagi kredit mablag‘larini jalb etish choralarini ko‘rish vazifasi qo‘yilgan.
Shuningdek, qarorda Veterinariya va chorvachilikni rivojlantirish davlat qo‘mitasining “Veterinariya fidoyisi” va “Chorvachilik fidokori” ko‘krak nishonlarini ta’sis etish to‘g‘risidagi taklifi ma’qullangan.
Eslatib o‘tamiz, Qozog‘istonning Tashqi savdo siyosati va xalqaro iqtisodiy tashkilotlarda ishtirok etish masalalari bo‘yicha Idoralararo komissiyasining qaroriga muvofiq, 2021-yil 15-dekabrdan 6 oy muddatga tirik qoramol eksportiga taqiq joriy qilingandi. Shu munosabat bilan O‘zbekiston Veterinariya va chorvachilikni rivojlantirish davlat qo‘mitasi faoliyati chorva hayvonlarini import qilish bilan bog‘liq bo‘lgan xo‘jalik yurituvchi subyektlarga turli iqtisodiy muammolar va kutilmagan zararlar oldini olish maqsadida tavsiyalar e’lon qilgan edi.
Mavzuga doir:
Izoh (0)