Amir Xon Bollivudning o‘ziga xos iste’dodga ega aktyorlaridan biridir. O‘z qonun-qoidalari asosida hayot kechirayotgan, ekranda turli obrazlarni bemalol gavdalantiradigan aktyor tomoshabinlar qalbidan alohida o‘rin egallagan. Amir Xon Hindiston kino sanoatida o‘ttiz yildan ortiq muvaffaqiyat qozondi va bu, albatta, tahsinga loyiq yutuq. Bugun uning bir-biriga o‘xshamaydigan rollari bilan ishtirok etgan filmlar ketma-ketligini e’tiboringizga havola etamiz.
“Gajini” filmi (2008)
Ushbu filmda Amir Xon ko‘ngli singan oshiq rolida tomoshabinlarning e’tiborini o‘ziga butunlay jalb etadi. U bezorilar bilan ayovsiz jang qiladi. Filmda aktyorning tashqi ko‘rinishi butunlay boshqacha, uni sport bilan shug‘ullanishi natijasida jismonan juda kuchli qahramon sifatida ko‘rish mumkin.
“Uch savdoyi” komediyasi (2009)
2008-yilgi “Gajini” filmidagi shafqatsiz obrazni o‘ynagach, aktyor “Uch savdoyi” filmida kitoblar va do‘stlar olamiga kirib keldi. Yengil komediya muvaffaqiyatga erishdi va Xon unda kollej talabasi rolini o‘ynadi. Aktyor jismoniy qiyofasini o‘zgartirdi: endi u juda ham o‘qishni yaxshi ko‘radigan ozg‘in talabaga aylanadi.
“Dangal” filmi (2016)
Amir Xon ushbu filmda yoshi ulug‘ kurashchi – kuchli, lekin ayni paytda keksa odam rolini o‘ynagan. U rol uchun biroz qo‘shimcha vaznga ega bo‘ldi va o‘zining yangi qiyofasi bilan tomoshabinlarni hayratda qoldirdi.
“Hindiston talonchilari” filmi (2018)
Amir Xonning “Hindiston talonchilari” filmidagi ko‘rinishi eng ko‘p muhokamalarga sabab bo‘lgan. Ayniqsa, uning burun taqinchog‘i, ziraklari, jingalak sochlari va mo‘ylovi. Aktyor obraz uchun o‘zini butunlay o‘zgartirdi, natijada tomoshabinlar hatto uni tanimay qoldi.
“Laal Singx Chadha” filmi (2020)
Amir navbatdagi rol uchun soch va soqolini o‘stirdi. U o‘z qiyofasini yana butunlay o‘zgartirdi. Rolni his qilish va tomoshabinlarni yana bir bor hayron qoldirish uchun ushbu personaj hayotiga kirib ketdi. Film Amerikaning “Forrest Gamp” filmi asosida suratga olingan.
Izoh (0)