Liviya sharqidagi Al-Marj shahrida huquq-tartibot organlari tomonidan gashish giyohvand moddasining katta miqdordagi partiyasi ushlab qolindi.
Giyohvand moddalar Rossiya prezidenti Vladimir Putinning kichik portreti tushirilgan qog‘oz yopishtirilgan plyonkaga qadoqlangan, deb yozmoqda The Libya Observer.
Ma’lumotlarga ko‘ra, shaharda yashaydigan erkak 323 ta qadoqlangan gashishni O‘rta Yer dengizi sohillari yaqinidan topib olgan. Nashrning qayd etishicha, bundan bir necha kun avval mahalliy aholi vakillari mamlakat sharqida Pablo Eskobar surati bilan qadoqlangan bo‘laklarni topib olgan. Shuningdek, katta miqdordagi kontrabanda gashishining suvga cho‘kishi oqibatida shunday holatlar kuzatilayotgani taxmin qilingan.
Izoh (0)