So‘nggi kunlarda mamlakat yo‘llarida sodir bo‘lgan baxtsiz hodisalar tafsilotlarini taqdim etamiz.
Namanganda Spark beton to‘siqqa urildi
2022-yil 30-yanvar kuni soat 03:20 larda Farg‘ona halqa yo‘lining 34 kilometrida, “Orom” MFY hududida Namangan shahar Davlatobod tumanida yashovchi fuqaro (1995-yilda tug‘ilgan) Spark avtomashinasini Namangan–Toshkent yo‘nalishida boshqarib borayotib, harakat xavfsizligini ta’minlay olmay, yo‘lning o‘rtasidagi beton to‘siqqa urilgan.
Oqibatda avtomashinada bo‘lgan yo‘lovchilar Chortoq tumanida yashovchi ayol (1974-yilda tug‘ilgan) bosh miya yopiq shikasti, qo‘shma shikast tashxisi bilan shifoxonada ko‘rsatilgan tez tibbiy yordamga qaramay shu yil 1-fevral kuni shifoxonada vafot etgan.
U bilan birga yashovchi qizi (2000-yilda tug‘ilgan) peshona sohasi yirtilishi, chap oyoq son suyagini yopiq sinishi tashxisi bilan Yangiqo‘rg‘on tumanida yashovchi qiz (2004-yilda tug‘ilgan) bosh miya yopiq shikasti, qo‘shma shikast tashxisi bilan va Namangan shahrida yashovchi fuqaro (1997-yilda tug‘ilgan) ko‘krak qafasini ezilishi, o‘ng oyoq boldir suyagining yopiq sinishi tashxisi bilan tan jarohati olib, shifoxonaga yotqizilgan.
Ushbu holat bo‘yicha Pop tuman IIB huzuridagi tergov bo‘limi tomonidan 2022-yil 1-fevral kuni 266-moddasi 2-qismi (odam o‘limiga sabab bo‘lgan transportdan foydalanish xavfsizligi qoidalarini buzish) bilan jinoyat ishi qo‘zg‘atilgan.
Marg‘ilonda “Moskvich” piyoda umriga zomin bo‘ldi
3-fevral kuni fuqaro S.A. boshqaruvida bo‘lgan “Moskvich” avtomashinasini Alisher Navoiy ko‘chasida boshqarib ketayotib, qatnov qismini piyoda kesib o‘tayotgan M.A.ni urib yuborgan.
Oqibatda M.A tan jarohati olib, shifoxonada vafot etgan.
Mazkur holat yuzasidan Marg‘ilon shahar IIB huzuridagi tergov bo‘limi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilib, hozirda tergov harakatlari olib borilmoqda.
Izoh (0)